ANTA-DOLMEN A PEDRA ALTA. Cee
Non sei en que parroquia se atopa (anos despois descubrín que pode estar en Bermún ou ben na contorna da ermida de San Pedro Mártir) nin as medidas dos esteos que compoñen a estrutura arquitectónica desta fermosa anta. Segundo pode colexir a través da contemplación da fotografía, semella que estamos diante dun exemplar adscrito á tipoloxía das plantas desenvolvidas de xeito circular e cun incipente corredor, ou corredor pouco desenvolvido.
Tamén, segundo o anterior criterio, a superficie da mámoa está recuberta de numerosas pedras, o que pode dar lugar á consideración ou pervivencia dunha poderosa coiraza pétrea.
Segundo a información recollida no blog do amigo Xabier Moure Salgado (onosopatrimonio), a anta confórmase a través de seis esteos e outros dous para o corredor.
Asímesmo, na contorna da ermida de San Pedro Mártir existe unha pequena necrópole megalítica.
Fotografía extraida do blog onosopatrimonio, de Xabier Moure Salgado
ENLACE
https://cee.gal/gl/cee/historia/
En Sigrás, saúde, sorte e libros!!!
Ainda que é un pouco pequeno, tamén ten pinta de círculo tipo "crómlech". Mais os seus ortostatos fincados non semellan moi grandes e outos.
ResponderEliminarSaúde e Esquilmo.
d:D´
O máis probable é que sexa a punta dos esteos que sobreaen. Estarán enterrados na mámoa que non sabemos como é; pero non hai razón para considerar que non sexa das do tipo medio.
ResponderEliminar